fimmtudagur, 21. október 2010

Jafn ómissandi og Eiðfaxi

Hef eilítið leyft öðru eyranu og auganu að fylgjast með fréttum af ársþingi ASÍ.

Gylfi Arnbjörnsson byrjaði þennan dag á Rás 2 í viðtali. Soldið gremjulegt að heyra að Gylfi virðist einungis tala opinberlega fyrir hagsmunum félagsmanna ASÍ á "ársþingsdögum". Aðra daga ársins virðist Gylfi algörlega afslappaður "dúddi", og nokkuð hlutlaus fyrir stöðunni í landsmálunum almennt.

Gleymum því ekki að Gylfi hefur farið fyrir þeim hópi innan ASÍ sem telur það EKKI mikilvægt að koma samfélaginu úr klóm verðtryggingar. Svona rétt eins og hann sé formaður félags erlendra kröfuhafa.

Mér líkar vel við verkalýðsleiðtogann á Akranesi, sem leggur til að Gylfi verði afhuga því að starfa meir fyrir ASÍ, það má reyndar segja - að það væri ekki mikil áhætta fólgin í því fyrir almenning ef Gylfi leggur skóna á hilluna. Hann er í það minnsta jafn ómissandi í mínu lífi og áskrift að Eiðfaxa.

3 ummæli:

Nafnlaus sagði...

ASÍ eru samtök, lýðræðisleg samtök. Þar sem meirihluti ræður, eins og í öðru lýðræði.
Gylfi, hvaða skoðun sem menn hafa á honum, er ráðinn/kosinn til að framfylgja stefnu meirihlutans. Svo geta menn haft ýmsar skoðanir á því hversu vel hann hefur staðið sig í vinnunni. En það er bara allt önnur umræða.

ÞÚB

Einar sagði...

Þannig að ég er í rangri umræðu? Var ég ekki einmitt að segja að Gylfi standi sig ekki vel í vinnunni?



mbk
Einar

Nafnlaus sagði...

Það er rangt hjá þér. Gylfi stendur sig vel í vinnunni. Það eru hins vegar ónefndir formenn verkalýðsfélaga sem fara nú mikinn í lýðskrumi og halda úti ófrægingarherferð á hendur kollegum sínum og samstarfsmönnum

Króna/EURO