fimmtudagur, 28. febrúar 2008

Tækifæri

Fréttin um að Hreiðar Már Sigurðsson í Kaupthingi skyldi láta það vera sitt fyrsta verk að leggja niður verðtrygginguna væri hann Seðlabankastjóri finnst mér vera aðalfréttin.

Ótrúlegt að enginn úr verkalýðshreyfingunni, af alþingi eða úr félagsmálaráðuneytinu skuli fylgja þessum orðum eftir og nýta tækifærið.

Verðtryggingin er böl þjóðfélagsins í dag. Mér finnst að Bjarni Ben og Illugi hefðu átt að hlusta betur á Hreiðar áður en þeir birtu grein sína í mogganum.

6 ummæli:

Nafnlaus sagði...

Frjálslyndir hafa haft þetta á stefnuskrá sinni lengi. Held að margir kjósi þá t.a.m. nær eingöngu vegna þess.

Haffi sagði...

Fólk verður að gera sér grein fyrir því að afnám verðtryggingar verður að vera yfir alla línuna, þannig að hlutir eins og lífeyrisréttindi og innlánsreikningar geta ekki lengur verið verðtryggð. Etv. hefur það áhrif á afstöðu fólks, allavega gott að vita af því svo það komi ekki á óvart.

Einar sagði...

Haffi. Þú ættir nú að vita að lífeyrisréttindi eru ekki verðtryggð. Eigi lífeyrissjóður þinn lélegt ár í ávöxtun þá lækka einfaldlega lífeyrisréttindi þín.

Líka ættirðu að vita að sáralítill hluti almennings ávaxtar pund sitt á verðtryggðum sparireikningum.

Þannig að þetta komment þitt ætti ennfrekar að leiða í ljós nauðsyn þess að leggja niður verðtrygginguna.

Haffi sagði...

"Réttindi til ellilífeyris, sem þú ávinnur þér í sameign hjá lífeyrissjóðum, halda sér óskert þó þú hættir að greiða til þeirra og eru auk þess verðtryggð."

sjá: http://www.landsbanki.is/

Haffi sagði...

Ég þarf varla að taka það fram að ég er ekki að tala um séreignar/viðbótarsparnað, heldur það sem er nefnt samtrygging og er skylduiðgjald.

Haffi sagði...

Aðild að lífeyrissjóði tryggir þér verðtryggðan lífeyri til æviloka. Með samábyrgð og þátttöku allra tryggjum við einnig lífeyri til þeirra sem verða fyrir áföllum vegna slysa eða sjúkdóma.

sjá: http://www.ll.is/?i=8

Læt þetta nægja.

Króna/EURO